اذا تحبني وقلبك شاريني لا تخليني ولا لحظه

اتمنى تعجبكم واذا مو عاجبتكم قولولي

عشان ما اتعب نفسي ونزلها

تحياتي زوزو

رزووووونه اتلروايه مرره حلوه

كمليها لو بس لي الباقين مالك دخل فبهم

شكرا

اوك حياتي من عنوني

العفو منوره ياقلبي

مرره حلوه

كملي زوزه

في بيت (( بو وليد )) الساعه 9 بالليل //

كان كل البنات جاوا .. ومتجمعين بمجلس الحريــم ..

بيان / اسيلوووه وين الشوكليت المفضل عندي ..؟

اسيل / اي شوكليت هذا كل انواع الشوكلاته ..

شيماء / ههههههههه لا ياقلبي النوع المفضل عند بيونه الشوكلا السويسريه الي لونـه من برى اصفر .. وطعمه عسل حتى يسمونه ابو جبل ..

عبير / ههههههههههههههههههههههه عليها وصف وربي تـــحفه ..

شيماء / عبيروه دوري غيري علقي على كلامه ..

بيان / ههههههههه حلوه ابو جبل (( قامت تهز راسها مثل الهنود )) ابو جبل .. ابو جبل ..

شيماء عصبت / بيانوه عبيروه انطموا لااصككم بالصينيه ..!!

بيان وعبير يناظرون بعض ببرائه ومع بعض قالوا / حنــــــــــــــــا ..

ساره / لا جدكم .. كفك شيماء ..

ضربت كفها ..

شيماء / وربي ذولا لو يرتكبون جريمة قتل ويمسكونهم الشرطه ويسوون هالحركه يتركونهم الشرطه من نظرات البرائه الي بعيونهم ..

الكل / ههههههههههههه

غلا / لا ومشكله لو حطوا اصابعهم في فمهم .. تقولين بزارين مايعرفون شيء بهالدنيا ياعمري ..

ضي / حتى ساره تسويها ترى هههههههههههه

ساره / لا مااسويها مثلهم .. حاولت بس مااحد يقولي بريئه .. كلهم يقوولا ماينااسب ..

بيان / صادقين ههههههه

كانت تهاني سرحانه بعالم ثاني وفجأه وقفت / اسيــل حبيبتي في احد بالصاله ابي دورة المياه ..؟

اسيل تهز كتوفها / ماأدري .. بس حتى لو مايبين الا اذا وقفتي عند المدخل الصغير الي مقابل الغرفه هذه ..

تهاني / اها اوكي حبيبتي ..

مشت تهاني بتطلع وكملوا البنات السوالف .. لكن غلا كانت مركزه على تهاني لحد ماطلعت وبعدها مسكت شنطتها وطلعت جوالها ماتبي تستمع لسوالف البنات تبي تسوي نفسها مركزه على الجوال .. مو قادره تنسى الي قرت امس .. مو قادره .. لازم اكلم بيان بأقرب وقت لازم ..

تهاني اول ماطلعت وقفت عند المرايه الي مقابل دورة المياه وجلست تعدل شكلها .. وبعدها دخلت دورة المياه ..

\

دخل خالد من باب الصاله ولا شاف احد فيها سكر الباب وراه .. وراح على طول للمطبخ يشرب مويه ..

آآه ياقلبي على هالشغل ماادري من ضربني على يدي وقالي ادخل طب ..!!

شرب مويه .. وبعدها مسك جواله يدق على حمد ..

حمد / ياهلااااا ماأسرع اشتقت لي ..

خالد ابتسم / لا وربي ماأشتقت لك ياحبيبتي لأنك دوم محفوره في فكري ..

حمد / هههههههههه ياشيخ توني ادري ..

خالد / المهم حمد ماطلعت من المستشفى ..؟

حمد / لا لساا باقي عندي مريــض بالعياده .. اخلصه وطالع ..

خالد / طيب اسمع اذا خلصته مر على عيادتي وخذ منها ملف أحمر انا حاطه على المكتب وجيبه لي بالبيت لو ماعليك تعب .. لأني ما أطلعت عليه وبكره لازم اسوي الأجرائات الي فيه ..

حمد / ابشــر ياطويل العمر ..

خالد مبتسم / اوكي سلاام ياولد عمي ..

حمد / مع السلامه ..

طلع من المطبخ بعد مادخل جواله بجيبه ..

ياربي وين اهلي ..؟؟ توه بيروح فوق الا سمع اصوات بمجلس الحريم .. ابتسم ابتسامته الحلوه الي ماتفاارق وجه ..

ياحليل اهلي اليوم مغيرين ورايحين مجلس الحريم ..؟ مو عوايدهم ..

مشى وكان باب الموزع الي يفتح على مجلس الحريم وغرفة طعام الحريم مفتوح ..

توه بيدخل الا شاف بنت طالعه من دورة المياه وتناظر نفسها بالمرايه على جنب ..

وقـــف مو مستوعــب ..

معقـــوله ..!! معقـــوله ..!!

معقوله من كثر ماأفكـــر فيها صرت أشوفها بكل مكان ..!!

ههههههه ياحليلك ياخالد شكل جاتك هلوسه .. او أثر حبها على عقلك ..


التفتت تهاني تبي تلف على المجلس الي فيه البنات ووقفت مصدومه يوم شافت قدامها خالد ..

نطقت لاشعوريا بصوت شبه مسموع / خالـــــــــد ..؟؟

خالد مو حاس بنفسه قالت اسمه ..!! يعني مو وهم ..

توه بيتكلم بس هي بلمح البصر وصلت عند باب المجلس وتوها بتفتحه ..

خالد بهمس / لحــــــــظه ..

تهاني كانت يدها تنتفض وهي حاطتها على مقبض الباب ..

خالد / تــهاني .. تهاني طالعيني ..

تهاني مالفت .. ياربي وش يبي هالمجنون شكله ناسي اني مو حلال عليه ..!!

خالد / تهاني .. تهاني علشاني طالعيني مشتااق لك ..

تهاني من غير ماترد عليه فتحت الباب وهو رجع علشان ماأحد يشوفه ..

دخلت على البنات وهي مرتبكه ويدينها تنتفض .. الكل ناظرها وشاف وجهها المحمر ..

غلا اول وحده تكلمت بشك / وش فيك تهاني مختبصه ..؟

تهاني تحاول تبتسم بس ماقدرت / ههههه مافيني شيء بس طحت وحسيت نفسي أضحك لو ان جنبي احد فشــله ..

شيماء / سلاااااماااااات ياقلبي ..

بيان وقفت وراحت لها وحطت يدها على ذراعها / تعورتي ..؟

ضي وقفت جنب اختها / وخري يدك لاتدلعيها شوفيها مافيها الا العافيه

ناظرتها ضي بنظرات .. فهمتها تهاني ..

ساره / تعالوا اجلسي تهاني نعلمك بساالفة عبير وياالبلوتوث خخخخخ كاتبه اخت المعرس ..

ضربتها عبير بالقوه / وجع سارووه ورى ماتنشريها بالنت ..

اسيل / ههههههههههه تسويها ..

قامت اسيل وناظرت تهاني وهي تجلس جنب البنات / وربي شكلك تقولين بيتهم نحس كل مره اجي اطيح ..

كل البنات ماعدا غلا وتهاني / ههههههههههههههههه

اسيل تناظر البنات وهي تضحك / من جد ذاك المره طاحت جنب سياارة خالد لأنها منزله راسها يقالها مستحيه من خالد ولانتبهت للشجره المايله وشبك راسها فيها هههههههه وطاحت ياقلبي عليها ..

البنات / هههههههههههههههههه جد ..؟

تهاني ووجها نااار تقلدهم / جـــــــد ..؟ انطموا كلكم لاأصيح ..

بيان / هههههههههههه لا ياقلبي تعالي تعالي جلسي نكمل سوالف ..

الكل كان يضحك ماعدا تهاني الي كل ماتذكرت خالد حمر وجهها .. وضي الي بين الفتره والثانيه تلتفت لها .. اما غلا كانت بحاله غريبه .. حالة شــك ..!! نظراات ترميها على تهاني الي مو منتبه للي يصير بغلا ..

بعد العشااء الكل اتصل على اخوه يجي ياخذه ..

وشيماء وغلا وتهاني كانوا كل ماأتصلوا بأهلهم ماأحد يرد ..

غلا وهي ترمي الجوال على الكنب بعصبيه / اوووووووف يعني وقت يسكر ثامر جواله مايكفي زياد مايرد ..؟

بيان / طيب والسواق ..؟

غلا فتحت عيونها / مجنونه بيان ..؟ من متى عايلتنا الحلوه ترضى نركب مع السواويق هالوقت ..؟

ضي / ماعليه اختي تأثرت من الدراسه ههههههه ..

بيان كشرت / مو قصدي .. بس لأنهم ماردوا عليهم .. طيب تعالوا نوصلكم ..

ساره / لا انا بوصلهم فيــصل جاء دق الحين ..

شيماء / ياااااااااااااااربي رد علي .. رد يامحمد الله يخليك ..

بيان / ههههههههههه ياعمري شيماء اجل انتي الي بنوصلك ..

ضي / خلااص علي الطلاق ان نوصلك ياشيماء ولاتزعجي اخوك مسكين نايم شكله ..

شيماء عصبت / يعني قايله له لاتنام بس مافيه فايده ..

عبير فااضيه / يووه حساافه ماعندي احد اوصله ..

البنات / فااااااااااااضيه ههههههههههههه

ساره تناظر جوالها وهي تلبس شيلتها / يلا يلا تهاني وغلا فيصل شكله عصب من زمان برى ..

لبسوا البنات عباياتهم وطلعوا مع ساره ..

قبل ماتركب ساره السياره ناظرت البيت من برى (( وين وليد نور البيت ..؟ اللـــــه لو انه موجود كان فرحتي اكبــر ))

ركبت ساره قدام وسلمت ..

وبعدها ركبوا غلا وتهاني ورا ..

غلا + تهاني بصوت خافت / السلام عليكم

فيصل / وعليكم السلاااااام ياهلا ببنات خالي ..

نزلوا غلا وتهاني راسهم ياجرأة ولد عمتهم ..

ساره تضربه على كتفه بخفيف وهي تبتسم / ترى يستحون لاتنسى ..

حرك السياره وهو مبتسم / لا ماارح انسى بس مشتااق لسوالفهم وبالذات رجة غلا ماأنسى مقالبها لي وهي صغيره ..

ساره وتهاني / هههههههههه

غلا كان وجهها محمر ..

اما تهاني نزلت راسها يوم حست بنظرات فيصل لها من المرايه ..

ياااربي وش ذا الموقف الي حطيتي نفسك فيه ياتهاني ..!!

ساره / الا وش سويتوا بدبي استانستوا ..؟ ومتى رجعت يوم اروح بعد العشااء لبيت عمي لساا مارجعت ..

فيصل / بالنسبه للوناسه تونسنا بس ذبحنا فهد الله يهديه وذبح سطام معه .. كل ماجينا بنريح قومنا مابقى مكان ماودانا فيه .... حتى مارجعنا الا الساعه 10 بعد مارحتي ..

ساره / اهااا ماشاء الله ..

فيصل / اقول تهاني اخباارك مع الأنجليزي ..

ساره / مسكينه هي وضي حالتهم حاله معاه ..

فيصل خزها يعني انا ابي اكلمها لاتتكلمي .. وساره فهمته بس طنشته لأنها عارفه مشاعر تهاني تجاهه .. مشاعر اخويه لاغير ..

وماودها اخوها يتعلق فيها كثير ..

فيصل / الله يعينهم ياارب ..

غلا في نفسها (( انا ثالث ثانوي ماسألني والأخت تهاني سألها )) ناظرت غلا تهاني على جنب .. (( يااربي متى اكلم بيان وافضفض لها في الي داخلي متى ..؟ ))

وصلوا بيت بو ثامر والكل ساكت ..

نزلت غلا اول وتو تهاني بتنزل الا التفت فيصل وقال / سلمي لي على خالي ياتهاني وعلى مرت خالي وعلى زياد وحبي لي رهوومه

ضربته ساره بكوعها يعني اخلص ..

ساره / هههههههه قول العايله الكريمه كلها ..

فيصل طنشها / واهتمي بنفسك والله الله بالأختبارات ..

تهاني بخجل / ان شاء الله .. مع السلامه ساره ..

نزلت من غير ماتقوله مع السلامه .. يااااربي .. وش اسوي فيه .. اخاف يحسبني احبه .. لا لا يعرف اني احبــ ....

اوووووف ليه افكر اول ادخل لاأطيح بعد وتتحقق الكذبه ..

دخلت تهاني وعلى طول لغرفتها ماحست بغلا الي كانت جالسه بالصاله ومبين انها معصبه ..

ناظرت غلا تهاني وهي تروح فوق ..

آآآه ياربي شسالفتك ياغلا .. تغيري من اختك ..؟ بس ليه ليه ..؟ وش معنى فيصل ..؟ وش معنى ..؟

اعوذ بالله من الشيطان اقوم انام واكلم بيان بكره افضل .. لا وش بكره اليوم .. لا اخاف تعبانه .. اوووف اهدي ياغلا اهدي ..

راحت غرفتها بسرعه وهي في بالها الف سؤال وسؤال ..

\

في سياارة حمد ..

كانت شيماء من ركبت السياره وهي ساااااكته .. ومنزله راسها من الحياء ..

بيان الي كانت جبنها / حمد وش فيك نزلت اول ماجيت لنا ..؟

حمد يبتسم / ياحبك للفضول يابيون .. كنت اعطي خالد ملف يبيه .. ارتحتي هههههههه

بيان حطت رجل على رجل بدلع / ايه ارتحت .. بس قدم السيت حق ضي ضيــق ..

ضي التفت وناظرتها حاطه رجل على رجل وخزتها من البرقع حقها / اقول اها بس صيري عاقل مثل شيماء ونزلي رجولك ..

بيان تسبل برموشها / صدقيني شيماء لو انها مو مستحيه من حماده كان شفتي الهباال بس الحيااا (( التفت لشيماء وبصوت عالي )) مقـــــــــطعها ..

شيماء حمر وجهها من الفشيله .. وودها تقتل بيان ..

ضي / هههههههههههه الله يفشلك فشلتي البنت ..

حمد / وحماده بعد تقول حسابك بالبيت ..

بيان رجعت تسبل بعيونها / ليه وش سويت ..؟

حمد / اول شيء فشلتيني مع هالدلع .. ثاني شيء فشلتي شيــمـ .. (( وقبل ماينطق كل اسمها حس بنفسه )) .. فشلتي صديقتك ..

بيان / هههههههههههه لا عادي شيماء مايهمها ..

شيماء وقتها قررت تسوي جريمة قتل .. طيب يابيان .. طيب ..!! موتك على يديني ..

وصلوا شيماء بيتها وقبل ماتنزل قالت بصوت واطي / مشكورين ..

بيان وضي / قمنا بالواجب ..

حمد بصوت واطي / ههههههه متدربين على الكلمه يالخوات ..

خزت شيماء بيان بغيض وسكرت الباب ودخلت البيت ..

ابتسمت بيان بعد مامشت السياره .. مممم ليش هالأحساس ..

احساس غريب .. يقولي ان هالعطله غــير عن كل العطلات .. ليه احس شيماء بتصير قريبه مني اكثر .. وليه احس اني بفقد شيء بحياتي .. ليه احس ان حياتنا كلنا بتتغير .. ليه وليه وليه غمضت عيونها .. يااربِ وش ذا التفكير ..؟ يارب وفقني بالأختباارت وعدها على خير .. الظاهر تأثير اختبارات ثالث ثانوي .. رجعت فتحت عيونها وقرت بصووت غير مسموع (( اللهم اشرح لي صدري ويسر لي امري )) .. لاألـه إلا الله .. حست براحه نفسيه .. ماودها تفكر كثير والأختبارات على الأبواب ..

if('/showthread.php' == '/private.php')
{
document.write('

if('/showthread.php' == '/private.php')
{
document.write('

if('/showthread.php' == '/private.php')
{
document.write('

if('/showthread.php' == '/private.php')
{
document.write('

تــابــــع ..

/

كانت حالته حاله .. شمااغه على كتفه .. والعقال على شعره .. ويمشي وهو يتماايل ..

هاجر / اوووووووف .. ياليتني أتزوج وأفتك من هالعايله الي مافيها أحد عاقل غيري .. والله لو تزوجت لا أعرفكم ولاتعرفوني ..

سامي بصووت متقطع / ياللـ ــه صبــ ــاح خـ ـ ـ يـ ـ ـر .. عـ ـلى طــ ــ ــو ل تتهــ ــاو شـ ـوا انـ ـتـ ـوا ؟؟؟؟

أم سامي / أي صبااح خيييييييييير ؟؟ قول مسااء الخييير ..

هاجر رفعة حاجب / ياليييل صدق وش ذا الريحه وووووووع منك ..

سامي ناظرها من فووق لتحت .. وأشر على نفسه / و... ع .. وع منـ ـي أ ..أ .. انــ (( ماكمل لأنه طااح بالأرض ))

ام سامي وقفت / لاحوووووووول قم قم الله ياخذك ويفكنا منك ياليتني ماجبتك ..

هاجر بغرور / يمه انتي مو بس سامي تقولين له هالحكي .. حتى حنا .. يعني المفرووض تقولين ياليتني ماجيت انا بكبري أحسن لك ..

أم سامي وصل حدها / أقول يابنت أبوتس والله لو ماسكتي ان يجيتس كف يعدلتس ويربيتس من جديد ..

هاجر لفت بترجع غرفتها وهي تناظر في سامي يحاول يقوم بقرف / والله يمه لو أبي اتكلم بتكلم ماهمني تهديدات .. وثبتي على شيء مره تتكلمي نجدي مره مثلنا .. خلي عندك حب للأصل ههههههههههاي ..

منى تهدي أمها وهي تخز هاجر / أتركيها يمه محتره تبي تتزوج مو عارفه وش تقول ..

هاجر وقفت في نص الدرجه والتفت على أختها تأشر عليها بصبعها / أسمعي زواجي هالسنه ان شاء الله وهذا انا اقولها لك .. ولد عمتي ورجع من السفر .. وش أنتظر ..؟

منى جلست على الكنب وهي ميته ضحك / هههههههههههههههه ليكوون ناويه تتزوجي وليد ؟؟ ههههههههههههههههههههههههه حلمك ياماما .. أحلمي على قدك .. ترى مو زين تناظري فوق كثيير .. تنكسر رقبتك ..

أم سامي بأستهزاء / شفتي أحلامها ..؟ تبي تاخذ واحد زينه ماينوصف .. وهي يالله لك الحمد حتى خطبه مانخطبت مره على الأقل ..

هاجر ضربت الأرض برجلها / انا غبييييييييه يوم اني اكلمكم .. وأعتبروه تحدي بيني وبينكم .. زواج من وليد وبتزوج .. وبكسر خشوومكم كلكم ..

التفت على سامي الي وقف يناظرها بنظرات نعسانه وأشرت عليه / وأنت أفضل انك ماتشرب دايم .. قبل ماكنت تشرب وبالموت متحملينك والحين تشرب المفروض نرميك بالبـر تاكلك الذياابه ..

راح غرفتها تركض ..

وأم سامي مفتحه عيونها لآخر شيء / شفتي أختك يامنى ..؟ تبي تكسرخشومنا .. ياجعل خشمها ينكسر ان شاء الله ..

مى / ههههههههااي يمه أتركيها الكلام ببلاش ..

سامي يهمس / مـ مـراااام ..

التفتوا مستغربين منه ..

منى كشرت / ليكون لما الحين يذكر ام عيون خضرااء ..؟

ام سامي بحقد / ياجلعها الموت أن شاء الله .. سحرته .. من يوم تركته وهو يشررب ..


(( هذا بأختصار حيااة عايله تنوصف بدوون مبالغه بعايلة "الشــر" بس من يدري ..؟ حتى الشر بعض الأوقات له أسبابه ...!! ))

/

نزلت سااره من الدرج بسرعه وهي ماسكه عبايتها بيدها ..

ناظرت بالصاله شافت فهد جالس على التلفزيون .. يؤؤ ؟؟ غريبه فهد ينااظر تلفزيون .. ناظرت المحطه شافتها العربيه .. (( ابتسمت بأستهزاء )) ايه مدامها العربيه مو غريبه اجل ..

قربت منه / السلااام عليكم ..

فهد مالتف لها / وعليكم السلام ..

ساره متردده تطلب منه ولا لا ؟؟ هذا ماينعرف رده غامض / فهد ..!

فهد وماحرك راسه وبصووت حاد / نعم ..؟

أنتفضت ساره .. يووه أقوله ولا أنطم ؟؟ اووف يالله اقوله والي فيها فيها / فهد أبي توديني السوق لو ماعليك أمــر .. لأن باقي لي بعض الأشياء ماشريتها ..

فهد التفت لها بملامح جديه جامده / يعني طول امس ماخلصتي ..

ساره زااد خوفها .. يووه شكله عصب / ل.. لا مو على الوقت بس .. بس (( تذكرت بيان وضي وكملت )) بيان وضي مثلي ماخلصوا .. ووعدتهم اني أمرهم وفيصل رايح الديوانيه ونخااف نركب مع السوااق لحالنا ..

كانت تشرح له تبيه يواافق .. تبي تلين قلبه شوي ..

بس ماتوقعت رده أبد .. بالمررررررره ..

فهد وقف / يالله أجل البسي عابتك .. برووح اجيب مفتااح السياره ..

فتحت عيونها على كبرهم .. من صدقه .. وافق ..؟ هههههههه وانا وش ابي غير موافقته وربي اني هبله ..

وقفت تلبس عباتها ولساا مو مصدقه ..!!



/

ضي / خلااص مليت .. لك ساعه توريني صور هالهنود .. وخري الابتوب خليني البس عباتي ساره تقول هذا هم بالطريق ..

بيان مدت بوزها / مالت على الي يوريك يالدووبه .. قوومي جاء فهد تميلحي عنده ..

ضي وقفت مكانها وفتحت عيونها مو مستوعبه .. والتفت على بيان وببلاهه / هاااااااه ؟؟ انتي تعرفي ؟؟

بيان كشرت / أعرف بشوو ؟؟

ضي أرتبكت .. (( غبيه انا وربي .. هي قالتها مزحه وانا خفت )) / هههههههه ولا شيء خيتوو يالله قوومي البسي عبااتك ..

بس على مين ياضي ^_^ ..؟

نطت بياان عليها ومسكتها من كتفها / اقووووووول اهااااااااااا بس ليكووون تحبييييييييييه .. لاااااااا تقوووووولي ..

ضي أرتبكت ازيد .. ودفت بيان / رووحي زين .. وش ذا الأفكاار ..

بيان تكتفت وبرطمت / طيب ضوويه انا اختك .. تؤم روحك المفرووض تفضفضي لي بكل أسراارك .. بس يالله وش نسوي كذا الدنياا ..

ضي أبتسمت .. عرفت بياان كيف تجيبها (( تؤم رووحي )) تكلمت بخجل / بياان ..

بيان مسويه انها زعلاانه لفت وجهها عنها / هاه ..

ضي بأبتسامه / هويتي بالجنه ياارب .. مممممممم تراني أحب ..

ماصدقت بيان تسمع كلمة أحب نقزت تضم ضي بدفااشه / وااااااااااي ونااااااااسه اختي تحب وبتتزوج فكككككككه .. وبنفس الوقت بيجينا عرس هالعطله ..

ضي ماتت ضحك على هبال أختها .. على طوول زوجتها .. ودفت بيان بنعوومه / هبله يانااس .. بس أحبك .. يا أختي قلت لك أحب مو نحب .. يعني الرجاال مو حاس فيني .. بس انا لي سنتين وانا أقزز فيه من فوقه لتحته لحد ماطحت تحت تأثير شخصيته وهيبته ..

بيان حركت حواجبها / أخس .. اختي رومانسيه من قدي بتعلم أختها البريئه الحب ..

مسكت ضي المخده ورمتها على بيان / غبيييييييييييه ..

بيان انتبهت وشهقت / هاااااااااه سنتييييييييييين ؟؟ سنتين يالظالمه ولاتقولي لي ..؟

ضي نزلت راسها تسوي نفسها تستحي / ياعمري كنتي صغيره بأول ثانوي وش اقولك عيييييييييييييييب ..

بيان تكشها / مالت عليك .. (( سكتت وفكرت تجنن أختها )) بس تدرين اني حتى انا حبيت فهد يوم شفت هيبته بالسووق .. شكله ينااسب لي ..

ضي تروعت / نعـــم ؟؟ اسمعي ياقلبي مايهمني هو يحبني ولا لا .. مايهمني باخذه ولا باخذ غيره .. لان حبي شكله حب مراهقه .. لكن ماأتصور اسوي فلم هندي مع أختي .. واسوي تضحيه لها واروح اتزوج من واحد شاايب ..

سكتت .. وبياان تناظرها ..

قالت بيان بهدووء / ضي ..

ضي بتفكير / هممممم

بيان / تفكرين في الي انا افكر فيه ..

ضي تكلمت تلقائياً وعيونها على بيان / الفلم الهندي الي شفناه ذاك الأسبوع .. تحبه ويحبها .. وصاارت اختها تحبه .. وراحت تزوجت شاايب علشاان أختتها تتزوجه ..

بيان فتحت عيونها بطريقه مضحكه / صــــح عليك ..

ماحسوا بنفسهم .. الا منسدحين على السرير بشكل عرضي وغارقين بالضحك .. ضي وهي تضم بيان / ياحبي لك يا أختي تحققت أحلاامك وصرنا فلم هندي ..

بيان تغمز / وش راايك نمثله ..

ضي تدف بياان / يالله اجل برووح ادور لي على شاايب ..

جلسوا يضحكون وقاموا يلبسوا عبايتهم ..

كانوا أحلى أختيـــن .. أخوات بالحب والتفاهم .. بالأبتسامه والضحك .. بالفرح والحزن ..

مثــال لكلمة " أخوات " ..

/

حط الفنجان بالصينيه وهو يأشر بيده يعني خلااص ..

قاام بيطلع من جو الديوانيه المزحووم .. وسمع صديقه أحمد يناديه ..

أحمد / زيااد وين ..؟

زياد / بطلع أشم هواا شوي .. تجي معي ؟

احمد / طيب يالله ..

فتح باب الديوانيه وطلعوا بتمشوا عند الزراعه ..

بعد صمت خمس دقايق ..

أحمد / فيك شيء زياد الاحظك متغير هاليومين..؟

زياد متضاايق / لا مافيني الا العافيه .. بس شوية مشااكل ..

أحمد / بالشغل ولا مع الأهل ..؟

زيااد زاد ضيقه لأن مايحب أحد يتدخل بحياته / لا بالشغل (( غير الموضوع )) .. الا اقول أحمد ..

احمد / هلا ..

زياد بأستهزاء / ماشفت الدكتور خالد هاليومين (( ركز بأستهزائه على كلمة الدكتور ))

ناظره أحمد بأستغرااب / تقصد ولد عم عيال عمتك ..؟

زياد كشر وكأنه مو عاجبه هالكلام / ايه نعم ..

أحمد بشك / مازلت تكرهه يازياد ؟؟ ماتعودتك تكره أحد ..؟

زيااد عصب / أحمد سألتك سؤال وجاوب .. لاتسألني سؤال ..

أحمد بهدووء / لا ماشفته ..

هز زيااد راسه ومشى عنه وهو يفكــر .. لو بيده يقتل هالخالد ..

نســـى .. نســى زياد أن خالد كان من أعز ربعه ..!!!

/

ضي وهي تمسك بلووزه بيج وتهمس لبيان الي جنبها / مو كافي مانزل عينه عنك بالسيااره جاي يكمل هنا ..

بيان مرتبكه وخايفه / عادي يمكن مجرد نظراات ..

ضي بضيييييييييقه / شكلنا بنسوي صدق الفلم الهندي ..!!

بيان نزلت عيونها وقلبها يدق .. من جد نظراته غريبه لها / أص خلااص لارجعنا البيت نتكلم .. يمكن نتوهم بس ..

شافت ساره جايه من وراهم / بيان تعالي شفت المحل الي تدورينه ..

بيان فرحت / واللللله ؟؟ أخيرررررا .. لي سنتين ماجيت الرااشد ونسيت مكانه ..

ضي نزلت البلوزه من يدها / الله يستر بيان تجلس ساعه فيه ..

ساره / ههههههه خلااص حنا خلصنا نجلس انا وضي بالجلسات وانتي اذا خلصتي تعالي لنا ..

بيان بحمااس / اوكيك يالله خذيني له ..

/

بعد ساعه ونص تقريبا .. عند المحااسب ..

بيان / لو سمحت بسررعه تـأخرت ..!!

المحاسب (( ماكأنها هي الي شالت كل الأغرااض )) / ان شاء الله أختي ..

طلعت بياان بعد ماحاسبت ..

وراحت مكان الجلسه الي كانوا فيها ضي وسااره ..

مالقتهــم ..!! وينــهم ..؟ معقوله يتسوقوا ..؟

جاها صوت من وراها مستحيل تنسى صاحبه / تدوري على أحد ..؟

التفت بسرعه وطاحت عينها بعين فهد .. أنتفضت .. أرتبكت .. خافت .. توترت .. كل شيء جاها من نظراته الغريبه .. / أ .. وين .. وين ا .. البنات ..؟

أنتبه فهد لخوفها وأبتسم لها ..

بيان فتحت عيونها .. يؤؤؤؤؤؤ هذا الي يقولون مايبتسم .. أبتساامته تذبح .. أأق والله اني فاااضيه أتأمله ..

ناداها وهو ياخذ الأكياس منها وهي تتراجع لاشعورياً / تعالي أوديك للبنات ..

مشت وراه وهي خايفه .. تناظره كيف يمشي بثـــقه تحس انها بتدمره .. ياطوووله .. يوصل لطول وليد تقريباً ..

أنتبهت لنفسها ,, يوووه جالسه أتأمل بحبيب ضي وساره وش عندي ..؟

ماحست ان فهد وداها للبوابه .. مشت ورااه وهي تركض .. بالموت تلحقه .. خطواته طويله ..

العلل .. راحوا يجلسوا بالسيااره ماينتظروني ..

تلفتت حولها مافيه الا سيارات قليل .. ومافيه ناس حتى .. غريبه اليوم مافيه زحمه بالرااشد .. العاده مزحووووم ..

وصلت للسياره وناظرت داخلها مالقت فيها أحد وقفت بصدمه ..

وهمست لاشعورياَ / وينهم ..؟

فهد ناظرها وهو يفتح باب السواق / كانوا مستعجلين يبون يقايسون الي شروا قلت أوديهم مدامك بتطولي وأرجع لك ..

ماقدرت تمسك نفسها وشهـــقت .. شهـــقت بقوووووووه .. حست ان رووحها طلعت معها ..

/

نهاية الجزء الخامـــس

>> الجــزء الســ 6ــادس <<

/

/

كانت تمشي وفي يدها "حلمها " .. في يدها الي ضحت علشانه وكانت مستعده تعيش وتضحي علشانه .. يلفهم الظلام من كل مكان ..

التفت وراها حست احد يتبعها .. سرعت خطواتها وهي تضمه لصدرها أكثــر .. التفت مره ثانيه وعرفت من يتبعها ..!! تعرفت على ملامحه ..!!

بكت وهي تركض وتصرخ " لا .. لا .. لاتاخذه مني .. لا ..!! خذ اي شيء .. اي شيء .. الا هذا خلووه خلوووه قربي "

طاحت على ركبتها تبكي !! وهي تضمه خايفه عليه .. موخايفه على نفسها .. صرخت للمره الثانيه " لاااااا حراام عليكم "

ماحست الا بيد من فوووووق .. أمتدت وخذته من حضنها .. صرخت .. قاومت .. بس ماقدرت ..

غطت وجهها بيديها وبكت " لاااا انا السبب المفروض ماخليتهم ياخذووه مني .. أنا السبب "

التفت على الي باقي لها من الدنيا .. الي كانت تهرب منه .. شافت ملامحه بالظلاام قاسيه .. ماحن لها حتى .. وقفت تمد له يدها علشان يمسكها وهي تهمس " سامي "

قرب منها .. بس ما أمداه يمسك يدها الا نفس اليد أمتدت من الظلام ..وخذته !! خذته مع حلمها .. مع قلبها ..!

تلفتت تبي تشوف أحد معها .. ماشافت الا أمها تناظرها نظرات قاسيه وصرخت " أبكي .. أبكي دم .. هذه حياتك .. وبتظل كذا طول ما أنتي عايشه "

طاحت بحفره عميييييقه وهي تصرخ " لااااااااا "

قااااامت من النوووم مرعوبه .. تتنفس بقوووه والعرق على جبينها وبرقبتها .. مسحت بيدها على رقبتها وهي تتعوذ من الشيطان ..

شغلت الأبجوره الي جنبها .. ورمت لحافها على جنب ووقفت .. رجعت شعرها الأشقر الغامق على ورى وتنهدت وهي تمشي لعند التسريحه ..

جلست على كرسي التسريحه والدموع بعيونها .. " لمتى ؟؟ لمتى يــامــرام بتظلين حبيسة هالغرفه ..؟ لمتى بتعترضي على أمــر ربك ..؟؟ "

مسحت دمعه عرفت مسارها على خدها طول عمرها .. ورفعت راسها تناجي ربها " يااارب .. يااارب انا عبدك .. أرحمني وأغفر لي .... يارب انا بشــر ماأقدر أتحمل أكثــر .. خذ عمري ياربِ .. رحمتك ولارحمة خلقك ..! "

نزلت راسها تناظر نفسها بالمرايه .. " أم عيون خضراء " أبتسمت بأستهزاء .. هاللقب دايم يذكرني بذنبك يايبه .. حسبي الله ونعم الوكيل على كل ظالم ..

قامت تتوضى تصلي العشاء وهي تستغفر .. وهي تقرر تنسى كل شيء .. " كم بااقي لي وأرحل عن الدنياا .. أرحل عن الظلم ..؟ يوم .. يومين .. شهر .. شهرين ..؟ " هي متأكده انها ماتقدر تتحمل أكثـر .. هي بشر حالها حال غيرها .. ولازم تستقل الأيام الي بقت لها .. وتعيش حياتها بحزنها .. لازم تخلي ذكرى بقلب كل غالي عليها .. بقلب الي وقفوا معها ..!! .. تبي ترووح عند ربها وهي مرتااحه من نفسها .. حتى لو كان عمرها كله حزن ..


/

رمشت بعيونها أخيـراً .. تبي تطرد الخوف منها علشان تقدر تستوعب الي جالس يصير ..!! هذا من جده يبيها تركب معه لحالهم ؟؟

هذا ولد عمها ولا .؟ لو كان وليــد كان أعذرته جاي من بلاد الغرب ومتعود على عاداتهم .. لكن فهد ..!!

التفتت يمين وشمال يمكن تلاقي أختها تنقذها من هالموقف السخيف الي هي فيه .. صحيح ولد عمها .. لكن أستحاله تركب معه لوحدها ..!! وين الأصول والتقاليد ..؟ كلهم " بح "

رجعت تناظر فيه وشافت على وجهه نفس أبتسامة الأستهزاء الي رسمها على فمه يوم شهقـت ..!!

دخل يده بالسياره وخذ منها جواله .. طلب الرقم وأنتظــر الرد ..

سمعته بيان يكلــم " هلا ساره ... وينكم فيه ؟؟ .... يعني تقولون دقايق بنشتري شيء وتجلسون نص ساعه ؟؟ .... لا دورتكم وماحصلتكم وجوالي كان بالسياره .... يالله أطلعوا حنا عند السياره .... بسرعه عجلي "

سكر من أخته .. ورجعت أبتسامته المستهزئه تنرسم بشوي شوي على فمه وعيونه .. دقاات قلب بيان كل دقيقه تتسارع أكثـر .. وش قصده من هالحركه السخيفه ..؟ يعني بيخوفني ولا بيشوف ردة فعلي ..؟ حست انها وصلت حدها من العصبيه .. ومرت بوجهه تبي تركب السياره وهي رافعه خشمها ..

فهد بأستهزاء " شوي شوي يابنت عمي .. لاتنكسر رقبتك "

التفتت عليه معصبه وواصل حدها وتكلمت بجرأه " هذا أنت قلتها .. بنت عمك مو أختك علشان تمزح معي هالمزح الثقيل والسخيف .. وأنكسرت رقبتي مانكسرت هذا شيء راجع لي ياولد عمي " ركزت على ولد عمي متعمده ..

رفع فهد حواجبه بغرور وتهكم .. مو متعود أبد ان أحد يرد عليه وخصوصاً من "بنت" ..

لفت بيان وأفتحت باب السياره وهي تغلي .. وتوها بتركب .. بس فجأه ..ضحـــــك .. ضحــك بصووت عالي .. ضحك من قلبه ..

التفت مستغربه .. نظـرات غريبه مشيناها .. أبتسامات غريبــه مشيناها ..لكن ضحكــه ..!! وهو الي بالموت يبتسم على حسب أقوال أخوانها .. ماتوقعتها أبــد .. هذا الرجال أكيد فيه شيء .. أكيييييييييييييد ..

ناظرته وهو مازال يضحك ومفتح عيونه بطريقه خيااااال .. عيونه كباار خلقه يفتحهم زيااده ليه .. التفت بقووه .. وش ذا الأفكار يابيان ..؟

فهد وضحكه يخف شوي شوي " تفضلي آنسه دلوعه .. صرااحه من زمااان ماضحكت .. والله يعافيك ويسعدك مدامك ضحكتيني .."

عصبت زيااااااااده وركبت وهي تتحلطم " ماأتوقع اني قلت نكته يا سيد غريب "

رجع يضحك وهو يسكر الباب وراها كأنها أميــره " سيد غريب .. وآنسه دلوعه .. القااب مميزه يابنت عمي "

فتحت عيونها .. وش سالفته ماخذ راحته ويحكي معها كأنها أختها .. او كأنه متعود عليها .. صدقوا الناس يوم قالوا انه مغازلي مثل أخوها مشاري .. بس ماتتوقع مشاري يسوي هالحركه السخيفه على وحده من بنات عمه .. لا والمشكله مو ولد عمها بس .. ولد خالتها بعد ..!!

ناظرته بيان وهو واقف قداام عند السياره ويأشر لـ ساره وضي وهم واقفين عند البوابه .. كان شكله يجننننن خيااال .. والضحكه مابعد يرووح أثرها عن وجهه .. شبكت يديها مع بعض بقوه ..ياااااربي .. وش في أفكاري أختربت .. الله يعين ضي عليه بس .. أووووف مااحبه كرهته ..

وصلت ساره و وراها ضي عند السياره .... وقفت ساره فجأه وخلت ضي تصدم بظهرها ..

ضي وهي تمسح بيدها على جبهتها " آآآي وجع سارووه تحركي وشفيك خلص بانزينك ؟ "

ساره بققت عيونها تناظر في أخوها الي متكي على السياره من قداام والمرح على وجهه ..

ضي الي نتبهت بعد لملامح فهد همست لساره " وش صاار ..؟ "

ساره بهمس وهي تمشي بشوي شوي " علمي علمك "

فهد حس فيهم وبصدمتهم ورجع يضحك وهو يفتح باب سيارته ..

ساره تمسك يد ضي وتدفها قدامها " لاااا أنهبل أخوي جد "

ركبوا السياره .. وحط فهد المفتاح يشغل السياره وهو يناظر في ساره " وش فيك سارونه وكأنك شايفه شبح "

ساره (( لا ويدلع بعد .. لو انه شبح أهون ياأخوي )) .. " ههههههه لا بس جالسه أفكر .. وش ممكن سوت بيان من معجزات خلتك تصير مـرح.." حط يدها على فمها يوم حست في الي قالته ..

فهد وهو يناظر ورى علشان يطلع السياره من الموقف " ههههههههههههه ماسوت معجزه .. بس كذاا شوفتكم زرعت المرح فيني .. شفتي كيف " ناظر بيان من مراية سيارته وكأنه يقول (( شوفتك انتي بس ))

ساره ماردت .. مو مستوعبه .. بدوووون مبالغه .. بس من زمااااااان ماضحك .. دايم يقولو عليه ثقيل دم وجدي كل الأوقات لأنه عسكري .. تكتفت وجلست تناظر البحر من النافذه ..

مد فهد يده وخذ شريط جابه من البيت خصيصاً علشان يحطه لـ آنسه دلوعه ..

بدأت موسيقى أغنية " دلوعتي " لراشد الماجد .. وفهد يدندن معها وهو يناظر بين الفتره والثانيه في بيان من المرايه ..

(( دلوعـتي .. دلوعـتي .. دلوعـتي
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. دلوعتي .. دلوعتي .. دلوعتي
محبوبتي في كامل أصفاها .. يازين بسمتها وممشاها
ماواحدن في الكون يسواها .. حتى الخطى منها يحليها
دلوعتي .. كل الحلا فيها .. أحترت انا ما أدري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. شوفوها .. دلوعتي .. دلوعتي
على ديار الزين أنا ساري .. مدام دار الزين هي داري
(( علا فهد صوته وهو يدندن بهالمقطع )) الكون في تدليعها يماري .. بالزين كل الناس تطريها
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. دلوعتي .. دلوعتي .. شوفوها .. دلوعتي
ولهان وأغلى الناس ولهانه .. والشوق فيني تنبض أشجانه
دلوعتي بين البشر دانه .. ياليت ربي لي يخليها
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها ))


أنتهت الأغنيه .. وبيان عارفه ومتأكده انها لها .. لا الحين عرفت سر هالنظرات .. فهد حاط عينه عليها ..

بس .. بس شكله ناسي اني بنت عمه .. عييييييب يفكر يتغزل فيني عييييب

فهد الي وقف عند الأشاره وناظرها من المرايه الخارجيه وهي منزله راسها (( طيب يابياان .. أحبك صح .. لكن ماراح أمشي طوالة لسانك علي اليوم يا "آنسه دلوعه" .. وبردها لك ))

/

دخل خالد البيت .. وهو حااس انه تعبااااااااان .. دااايخ لآخر شيء .. شاف العايله كلها مجتمعه بالصاله ..

خالد " السلام عليكم "

الكل " وعليكم السلااام "

حب راس ابوه وأمه وجلس جنب وليد ..

بو وليد " أخبارك يادكتور "

خالد مبتسم " بخير دامك بخير يبه "

أم ولد " جايع ياولدي ؟؟ تبي اقولهم يحطولك عشى ..؟؟ "

خالد وهو يأشر بيده " لا يمه تعشيت مع حمد .. بس دااايخ وودي أقوم أناااام حاس نفسي بطييح .. الله يعين حمد يطلع من العيااده ويروح الشركه "

وليد " أكيد هو الكبير ولازم يمسك حلال عمي "

خالد " ايه ماقلنا شيء .. بس سطام ومشاري يكفوون "

بو وليد " لا وانا ابوك الكبير ماأحد يسد مكانه "

ناظر الكل بوليد .. الي أبتسم لهم وناظر في خالد " الا أقول خالد .. أحس انك ودك تتزوج وأنا واقف بطريقك "

خالد (( والله انك تفهمني ياوليد )) " ههههههه خلااص مدامك تحس كذاا .. تزوج وفكنا ياأخي " وغمــز له ..

فهم وليد غمزته " هههههههه الله يقطع شرك ياشييخ .. خلااص ولايهمك من الحين أقولكم أنا قررت أتزوج " ناظر بأشكال أهله يشووف ردات فعلهم

طارق وأسيل بققو عيونهم لآخر شيء .. وام وليد ماصدقت على الله نطق وليد قامت تزغرد .. وابو وليد يضحك عليها ..

خالد " هههههههههههه كل هذا لأن عبقرينو قرر يتزوج ..؟ "

وليد وهو يضربه على كتفه " اقووووووول لاتخليني أكنسل كل شيء وانت الي تطيح فيها ..؟ " ناظره نظرات تهديد مع انها مزح الا انها تخوف ..

خالد "ههههههه (( وهو يغني )) جبتهاااااااااا على الجرح وكأنك مادرييييييييت "

أسيل تصفر .. وتحرك حواجبها بخبث " أكشخ وش ذا الصوت الرومانسي الي طلع يوم جبنا طاري الزواج..؟ "

وليد + طارق " هههههههههههههههههههه "

خزها خالد " اسكتي أسيلوه" .. وقف كأنه يهرب .. " يالله يبه يالله يمه تصبحون على خير " .. التفت على أخوه وحب راسه " قلي انا بدونك أسوى شيء ..؟ " .. وغمز له ..

وليد " ههههههه تقصد كيف تتزوج صح ..؟ "

خالد وهو يلف يروح المصعد " يجيلك يوم ياوليد تصير محلي ههههههه "

وليد " هههههههه "

بو وليد " الا ماقلت لي .. متـأكد انك تبي تتزوج..؟ "

ام وليد بنظرات لوم لزوجها " وشو متأكد ..؟ عمره 30 وتقوله متأكد "

وليد " يمه ابوي يبي يتأكد اذا ماكنت امزح (( التفت لأبوه )) انا من جدي يبه عزمت أتزوج وأكون بيت .. خلااص دراسه ودرست .. وأيام مراهقه وعدت .. مابقى لي شيء غير اني أتزوج "

بو وليد يضرب على صدره " أبشــر أجل وانا أبوك .. زوجتك عندي "

وليد يناظر أمه " يصيــر خير يبه نتكلم بعد العزوومه ..... الا على طاريها مافيه شيء ناقص تبوني أجيبه ..؟ "

بو وليد " لا يابوك كل شيء متوافر .. وخلصنا كل الترتيبات "

هز راسه رضى .. بعدها قام حب راس أمه وأبوه وراح فوق ورى خالد علشان يناام ويقوم بدري ..

دق على باب غرفة خالد .. وسمع صوت خالد " أدخل "

دخل وليد مبتسم لأخوه " دقاايق بعطلك عن نوومك "

خالد وقف " حيااااااك بأي وقت ياخوي "

جلس على الكرسي وجلس خالد قباله على السرير .. وليد كعادته بدون مقدمات دخل بالموضوع " خالد .. أنت مازلت تبي بنت الخال صالح ..؟ "

خالد ضاااقت عيونه .. وتغيرت ملامح وجهه وكساها الهم " وليد انت عارف اني أبيها من زمان .. بسـ .. بس أخوها ياوليد "

وليد بملامح جديه وبسلطه كعادته " أخوه ماله راي بعد راي البنت وأبوها .. والبنت مثل ماأنا اعرف تبيك .. وابوها رجال طيب يشتري قربنا .. وش هو له الخوف ..؟ "

خالد تطمن شوي ولانت ملامحه (( الله عليك ياوليد من يوومك شخصيتك قويه وتخفف علينا )) " بس خايف على البنت .. خايف يسوي لها شيء "

وليد وقف وعقد حواجبه " ياخالد .. انت عارف اخوها اكثر مني ومن اي شخص .. صديقك الروح بالروح .. وماظن قلبه قاسي مثل مايبين كلامك .. لكن انا متأكد انك تعرف ليه تصرفاته صارت كذا .. وليه راافضك .. (( سكت شوي .. وبصراحه كمل )) وليــه كارهك ..؟ "

نزل خالد راسه بتأثــر .. هو وش ذنبه ..؟ ماكان يقصد يومها يأذيها ..!!

وليد بصووت قوي " ماتعودنا وحنا عيال ضاري ياخالد .. ننزل روسنا للأرض مهما كان السبب ..!! "

رفع خالد راسه بسرعه .. ولمعت عيونه لمعة قووه وتحدي .. وقال بصوت رجولي وبقوه" أكيد وانا اخوك "

هز وليد راسه بتفهم " تصبح على خيــر "

طلع وليـد .. طلع أخــوه الي كان دايم يفهمه من هو صغــير .. مع انه اصغر من وليد بسنتين بس .. الا انه يعتمد على وليد أعتماد كلي .. كان يثق فيه وفي نصايحه وتوجيهاته .. وليد دايم له سلطه على كل العايله من هو صغير ..فقدوه يوم سافر بقوه .. تمنى يكون مثله .. مع انه كبير ودكتور وله سلطته هو بعد عند الكل .. الا ان " الحــب " عــذبه .. غيــره ..

" ياليتني مثلك ياوليد .. ياليتني مثلك ماطحت بالحــب "

/

رمت نفسها على السرير بقوووه .. وهي ترمي الأكياس على الأرض جنبها ..

ضي وهي تناظر بالسقف " بياان خلااص بدوون مزح خلينا نمثل الفلم الهندي "

بيان ونفسها بخشمها وضاااايقه " ضي والي يخليك مالي خلق هالحكي .. واضح انه يتسلى بس .. مالقى بنات يناسبونه بالسوق قال بنات عمي اولى "

ضي وهي ترفع راسها شوي وتفتح عيونها لآخر شيء " بيان ..!! من صدقك تتكلمي ..؟ حنا بنات عمه وأستحاله واحد مثل رجولة فهد وهيبته يفكر يتغزل ببنت عمه "

بيان وهي تجلس على الكرسي وتحط راسها بين يديها من الصدااع الي جاها " اجل وش تفسرين تصرفاته بالله عليك ..؟ (( بأستهزاء )) حب ..؟ لا ياستي مستحيل .. لانه مامره شافني ولاراح يشوفني .. ومو معقوله (( بأستهزاء أكثر )) نبض قلبه من أول نظره "

ضي عصبت على أختها الباااارده " انتي وش فيك ..؟ أحد حاصله ولد عم يحبه ويحط له أغنية قدام الكل ومو مهتم بأحد .. ويجلس يستهزء ويهاوش ..؟ "

بيان وقفت وهي معصبه زياده " ضي فكييييييييييني من هالسيره .. قال ايه ولد عم يحب .. أقص ايدي اذا ماكان قصده تسليه "

أنبهلت ضي من تفكير أختها " انتي غبيه ..؟ ماتفهمين ..؟ عيييييب عندنا الرجال يتغزل ببنت عمه .. اذا كان يحبها اوكي يطلع شعوره .. لكن يتغزل فيها ..!! بالعقل بيان فكري "

بيان ولاهز كلام ضي لها شعره " اقوول .. أخلصي علي .. تبين تقولين اني سرقت حبيبك "

تكتفت يقالها معصبه .. بطريقه طفوليه مضحكه ..

ضي تحاول تمسك ضحكتها " بيان انا قلت لك حب مراهقه يعني لا راح ولا جاء "

ضربت بيان الأرض برجلها بتمرد " لاااا كذااابه .. تنصبين علي .. تحبينه واااضح عليك .. بس القصص مأثره عليكم أنتوا لدرجه تسوون تضحيات وتصدقون انه فيه حب وخرابيط ولا المفروض تفكون نفسكم ولاتستعملوا كلمة حب "

ضي ضااق صدرها على أختها .. دااايم تظن ان الحب والدموع والألم والتضحيات بالقصص بس .. مافيه بالواقع .. صحيح تقرأ قصص مثلهم وتتأثر .. لكن لما الحين ماتصدق بشيء اسمه "حب" مجرد كلمه تنطقها على أنها نكته .. وخافت ضي ان هالتفكير ممكن يدمر حياة بيان بالمستقبل مع زوجها ..!! مو مهم تصدق بوجود الحب .. لكن على الأقل ماتخلي مشاعرها بارده .. واي موقف او كلمه يقولونها البنات .. تعلق عليهم انهم متأثرين بالقصص ..!!

أنتبهت من تفكيرها على شهقه مكبوته طلعت من بيان ..

تروعت ضي وهي تشوف الدموع تسيل على خدود أختها بصمت ..

ماعمرها شافت دموع بعيون أختها الا نادر بالأوقات الي يمرض فيها أحد عزيز على قلبها .. او تتأثر ببكي أحد تحبه .. مثل ماصار لمرام بنت عمهم

كانت من هي صغيره اي شيء تطلبه نفذوه .. واذا مرضت العايله كلها تجتمع عليها وتسهر على راحتها بالذات ابوها واخوها مشاري وجدتها ..!!

واي وقت يحسون انها بتبكي يغمرونها بحنانهم ورعايتهم ..

راحت لها وضمتها وهي تمسح دموعها .. ضي بحنان " وش فيك بيونه ..؟ تبكين على ايش .. ماأحد جابرك على شيء "

بيان ضامه أختها بقوه وكأنها بتضيع منها .. وبهمس ردت " ضي .. انا خايــفه .. قلبي ماسكني من قبل تبدأ العطله .. وخوفني فهد زياده .. (( رفعت راسها لأختها وبنظرات طفوليه )) ضي وش يبي فيني ..؟ "

حنت ضي لأختها الي عمرها وصل 18 سنه .. لكن تفكيرها وتصرفاته ماتجاوزت الـ 10 سنين .. وكله بسبب أهتمام أهلها فيها ..

خافت انه يأثر على مستقبلها .. يأثر على حياتها .. من يدري يمكن تتزوج بعد سنه أو سنتين .. كيف بيتحمل زوجها طفله في جسد أمراءه ..؟

كيف بيضمنون لها زوج يعاملها مثل مايعاملونها ..؟

ردت ضي بتعقل " بيونه حبيبتي مافيه شيء يخليك تخافين مدام عايلتك حولك ..!! وفهد صدقيني .. (( سكتت تفكر بأي كلمه تناسب .. بدال كلمة حب .. وكملت )) صدقيني يمكن مجرد أعجاب مؤقت بس وبينسى .. لاتفكرين بالموضوع وتشغلين بالك (( مسحت دموعها .. وأبتسمت )) وبعدين من متى الحلوين يبكون ..؟ الحين لو يشوفك مشاري أنهبل وكلني أسئله وش سويتي بأختي وش قلتي لها .. بيشتغل لي تحقيق وربي .. ماكأن حلا تؤمه .. كأنك انتي توئمه "

بيان وهي تمسح دموعها " هههههههه ماأدري وش جاني ابي اطلع الي بقلبي ماسكته من قبل العطله "

ضي بأهتمام " طيب ليه تحسين ان قلبك ماسكك ..؟ ماتقرين المعوذات قبل ماتنامي "

بيان هزت راسها " الا اقرأ .. بس ماادري وش فيني حاسه بيصير شيء "

ضي تدفها وهي تمزح " فالك ماقبلناه يالله أنطقي غرفتك لا بالعجرا دلعتك زياده عن اللزوم "

بيان رفعت راسها بغرور " وش اسوي انتي الي دلعتيني .. ماأحد طقك على يدك وقالك دلعيني "

وطلعت من الغرفه وأكياسها بيدها .. وهي تناظر ضي على جنب ..

ضي " ههههههههه سكري الباب وراك "

جلست ضي على السرير مرتبكه .. دايم بيان من يمسكها قلبها لازم تصير مصيبه .. الله يستر ..

ناظرت بالأكياس الي على الأرض .. وغطى وجهها ملامح الحزن لما تذكرت فهد ..!!

حبيته من قلبي .. لكن مدام ربي مو كاتب لي معه نصيب ارضى في الي كاتب لي ربي ..

قامت ترتب أغراضها برضى وتقبل للواقع المر .. وقلبها مكسور .. بس تكابر .. طيبة قلبها غلبت حبها

لكن هي عارفه .. ان لاهي ولاغيرها ممكن يغير الي كاتبه " ربنــا " لنا ..

/

" قووووومي ووجع الساعه 12 الظهر .. قومي بسك نووم "

التفتت عبير الجهه الثانيه تكمل حلمها ..

عصبت أختها فاطمه " وجعووه عبير قوومي لا بووكس يجيك طاير على خشتك "

فتحت عبير عيونها معصبه " هاه خير يالله صبااح خير .. وش تبين ياعله .. وش تبين يادعله ..؟ "

فاطمه تتحلطم " هي خلقه بدون شيء اخلاقها شينه .. كيف اول ماتقوم من النوم ؟ "

عبير سمعتها وفزت معصبه " اقووووول انزلعي عن وجهي لا بالخيزرانه انزلعي "

فاطمه طيرت عيونها قدام " الشرهه على الي يقومك يبيك تتجهزي للعزومه "

عبير وتأثير النوم ماراح .. بلمت " هاه عرس اخوي اليوم ..؟ "

نقعت فاطمه من الضحك على أختها " هههههههههههه اقول اها بس من كثر ماتفكرين تتميلحين بهالعرس صرتي تهوجسين فيه .. قووومي عزوومة اخو أسيل اليوم قووومي "

/

تزل من الدرج بهدوء كعادته .. دخل المطبخ يشرب مويه .. وشااف بياان تشرب مثل كل يوم آيس موكا .. مع فطاائر جبن محمصه ..

أبتسم " صباح او مساء الخير .. "

ردت بيان الأبتسامه على اخوها الهادي " هههههه لا خلها مسااء أحسن .. مسااء النور "

سطام وهو يصب له مويه " ماتملي من الموكا انتي .. احس لو بشربه أسبوع بس .. بمل منه كيف أنتي سنين وانتي عليه ..؟ "

بيان " ههههههههه وليه ماتمل انت من المويه ..؟ "

كشر سطام " بالله عليك هذا سؤال "

بيان هزت كتوفها " نفس سؤالك "

سطام " هههههههه ماينقدر عليك انتي "

أبتسمت له وهي تاكل الرغوه الي فوق الموكا بالملعقه ..

جلس سطام مقابلها وهو يحط له مربى بالسندوتش ..

ناظر بيان على جنب بشكلها الطفولي .. اول ماتقوم من النوم تكون مسالمه وهاااديه ..

دخل مشاري عليهم وشعره منفوووش ومسكر عين ومفتح عين ولابس بنطلون جنز بس .. وصدره ماعليه شيء ..

وكان يتحلطم " والله حاله سهرانين ونقوم مبكر "

بيان اول ماشافته شهقت وغطت وجهها بيديها " مشاريوووه عيييب استح شوي .. انا بنت أستحي "

مشاري اول مايقوم من النوم نفسه في خشمه " اوووص اقول .. قال ايه تستحي .. وين الكاسات ..؟ "

سطام بهدوء " اظن انك فاتح خزانة الصحون "

كشر مشاري " هاه ..؟ ايه صح " .. سكر الخزانه وصرخ .. " دنياااا "

بيان وهي تاكل " دنيا مو هنا .. راحت بيت عموو ضاري تساعد الطباخات "

حك مشاري راسه بطريقه مضحكه " ياليييل صدق .. من الي بيفطرني بنكيك ..؟ "

ناظر في بيان .. الي وقفت اللقمه بحلقها وهي تناظره ببرائه .. التفت لسطام شافته مبتسم لها ..

أشرت بصبعها على نفسها .. وتكلمت بصيغه سؤال " أنا ..؟ "

مشاري بهباله " لا الي وراك "

بيان تسوي نفسها أرتاحت " ايه اشوا بعد "

مشاري برجااء " بيان حبيبتي جااايع وربي ابوي مقومني أصلي الظهر فاتتني الصلاه من هالنوم .. وماأقدر أصلي وانا جايع ماأحس في الي اقوله الله يتوب علينا "

بيان ببرائه هزت كتوفها " وانا وش دخلني "

مشاري يعفس شعره زيااده .. بتهبل فيه هالبنت " دخلك انك بنت .. وضي بغرفتها أستحي ادق عليها .. وأمي ماادري وينها .. يالله أخلصي علي "

بيان " والخدامات ..؟ "

مشاري " اي خدامات ..؟ حنا ناكل من يد الخدامات ..؟ بس من دنيا لان لها 24 سنه طباخه عندنا .. يالله بسرعه مت جووع ابي اصلي "

قامت بيان بستسلام .. هي مو عن كسل ماتبي تسوي له .. لكن لأنها ماتعرف ..؟ بس ماحبت تقوله ..

بيان " طيب دقايق بجيب شيء من غرفتي وبجي "

مشاري بملل " يارب ماصار فطور ذبيحه .. يالله تراني جااايع .. برووح أتروش وجاي علشان أفطر واصلي .. عجلي "

راحت تركض فووق ومسكت جوالها ودقت على " حلاوتها في رجتها "

جاها صوت ملياان نوم " هاه خير وش تبين داقه "

بيان " لاحووول الأخلاق قافله .. غلووو حبي طلبتك لاترديني "

غلا والنوم ماكلها " اخلصي لايكثر هرجك "

بيان بحمااس " ابي طريقة البنكيك وش يحطون فيه بالضبط "

غلا (( هذه من صدقها تاكل وماتعرف وش متكون منه ..؟ )) " من صدقك بيان ولاتستهبلي "

بيان بملل " يوووووه فاضيه أستهبل أخلصي علي "

غلا ذبحها النوم .. وطبعاً كانت تحسب ان البنكيك لبيان تاكله .. فقررت تنتقم منها لأنها نكدت عليها نومتها .. بصوت كله نوم ردت " طيب يالله سجلي "

/

وقف مشاري يكح بقووووه .. وصرخ " موووووووووويه جيبوا لي موووووووووويه "

ركضت بيان زي المهبوله وصبت له مويه .. وسطام وامهم جاو يركضو على صرااخ مشااري ..

شرب مشاري المويه .. وبيان ماسكه ضحكتها حاسه لو ضحكت ماراح تسكت .. اساساً من شاف شكل " بنكيك المريخ " على قولة مشاري يوم شاف شكله ... ماشاف خير ..

ام حمد " يمه بسم الله عليك وش جاك غصيت بالأكل "

مشاري حط الكاس بقوه على الطاوله معصب " يممممه اي أكل والي يرحم والديك ..؟ الله يعز النعمه بس (( ناظر بيان بقوه )) قولي لي وش حاطه فيه ..؟ "

ناظرت بيان في امها وسطام المستغربين .. وحطت طرف صبعها بفمها ببرائه " مممممم .. كاسين طحين وبيالة ملح .. وكاس حليب وملعقة عسل وبيضه وملعقة فلفل "

سطام بدون شعور منه " هههههههههههههههههههههههههههههههههههههههههههههههههه هههههههههههههههههه "

ام حمد حطت يدها على راسها " ياوييييييييل حالي على بنتي ضااع عمرها ضاع شبابها ماتعرف تسوي بنكيك بسبب دلعكم الزاايد "

مشااري مبقق عيونه .. الحين هذه مقادير بنكيك ..؟

عصب وسألها " اتوقع تستهبلين صح "

بيان تروعت من ردة فعل أهلها " هاه ..؟ لا مممم (( ممافيه الا أقولهم عن غليوه ياجعل النوم يجافيها اليوم )) .. صراحه مـو ... "

قاطعها مشاري وهو يأشر بيده " خلاص خلاص لاتبررين (( التفت على امه )) هذه يبي لها كووورس في الطبخ "

سطام وهو يمسح دموعه " الله يوسع صدرك يابيان مثل ماوسعتي صدري "

مشاري أنهبل من أخوه " وش يوسع صدرها ..؟ توسعون الصدر على حسااب بطني ..؟ "

ام حمد ماقدرت تمسك نفسها أكثر كان شكل مشاري يضحك " هههههههههههه ولايهمك اسوي لك الحين الفطور الي يحبه قلبك "

/

كانوا يركضون بشكل مضحك .. شيماء في المقدمه ولجين وراها ومحمد ورى لجين .. على شكل قطاار ..

شيماء وهي تصاارخ " بداال ماتركضون وراي يامخفاات روحوا حدووه من ذيك الجهه "

لجين خايفه " لا يممممممه أخاف أنا .. انتي أمسكيه انتي الكبيره "

شيماء تنادي أمها " ماماااااااااااا تعالي ساعدينا .. ماأبي اموت اليوم .. بروح العزومه قبل "

لجين تضربها على كتفها من ورى " وجع تراه مايموت انتي ووجهك "

محمد ماسك ثوبه بأسنانه وجزمته (( وانتم بكرامه )) ماسكها بيده " شيماء وش رايك نهجم عليه بالجزم ..؟ "

عصبت شيماء على هباال اخوها " اقول أنطم شايفه صرصار نهجم عليه بالجزم ..؟ "

جات امهم متروعه " هاه وش فيكم "

لجين تأشر عليه " ماما ناظري سرق جبنـتنا "

شيماء تدفها بقوه " وجع الدوبه ماهمها الا جبنتها .. ماما وش نسوي "

تحرك بسرعه تجاهم .. وكلهم تراكضوا وهم يصارخون .. وأمهم معهم ..

شيماء وهي تركض ورافعه قميصها بيدها " يامااااااااامي رووح للجيـن .. اناا ابي اعيش تفكى .. تفكى "

لجين نطت على الكنب الي بالمدخل " لا لاتكفى ولاتفكى .. خليه عندك انا توني صغيره "

صرخ محمد يوم شااف أبوه يدخل خايف من صراخهم " باباااااااااا (( أشر وراه عند شيماء )) شوف وراااك "

التفت أبوهم وهم جاو يحتمون فيه ..مستانسين انه جاء .. صرخ أبوهم يوم شاف الي خايفين منه " فاااااااااار "

راح يركض المطبخ وتركهم .. وهم جلسوا يتراكضوا بكل مكان مثل المجانين .. والفار معهم

ام محمد " بعدووه بعدووه عني "

شيماء بهبل تركب فووق الكنب وتدف لجين " ماما المفروض تقولين بعدوه عنكم وجيبوه لي "

ام محمد " اسكتي يابنت "

جاء بو محمد معه فليت وصياده ..

شيماء " بابا ماينفع الفليت "

بو محمد " معليش لما يدخل الصياده على الأقل .. من وين جاء هالفار "

وأستمرت محاولتهم بطرد الضيف الصغير من فلتهم ^_^ ..

/

نزل وليــد للصاله وشاف ابوه لحاله فيها .. هذه فرصه علشان يكلمه ..

وليد " السلام عليكم "

بو وليد " وعليكم السلام .. هلا بولدي "

حب راس ابوه وجلس جنبه يسولف ويسأله عن أخباره ..

وليد " الا اقول يبه "

بو وليد " سم وانا أبوك "

وليد " سم الله عدوك .. يبه بخصوص زواجي .. ترى في بالي وحده ودي أخطبها "

بو وليد أستغرب " في بالك وحده ..؟ "

وليد " اي نعم .. طبعاً بعد موافقتك يبه "

بو وليد بكل جديه " اول شيء علمني من هي بعدين يصيرخير "

وليد بنظرات شك لأبوه " لكن انت قلت أمس ان العروس عندك "

هز بو وليد راسه بأسف " ايه والله .. عندي لك عروس ماتتفوت .. ونفسي فيها من زمان تصير زوجة واحد من عيالي .. وطبعاً انت أكثر واحد تستاهلها "

وليد " اجل يبه انت قول من هي عروسك .. رايك هو المهم "

بو وليد بصرامه " لا لما اعرف من الي في بالك "

وليد بطااعه " الي في بالي يبــه ....

/

ساره وهي تضم مرام وماسكه دموعها " أخيــــراً تحررتي ياقلبي "

مرام مبتسمه " ايه تحررت (( غمزت )) وبروح معكم اليوم للعزومه بعد "

ساره طاارت من الونااسه " واللللللللله ونااااااااااااااااااسه (( التفتت تصارخ )) فيصل فارس ريم تعااااالوا .."

طلع فيصل بهدوء من غرفته وفارس وريم جاو من تحت يركضون يشوفون وش السالفه ..

فيصل ناظر مرام .. ولمعت عيونه بالحنااان ..

فيصل " هلا بالمزيونه الي تتدلل علينا .. شافتنا نخاف عليها قالت وش علي ادلل عليهم أحسن "

أبتسمت مرام لأخوها وهي تشيل ريم وتبوسها ..

فارس كان يمووووووت بمراام لأن فيها حنااااااان كبيــر بقلبها .. كانت طالعه على أخوها فيصل ..

سلمت مرام على فارس وقرصت خدوده الملياانه " تسلم لي هالخديدات أشتقت لها "

حمرت خدود فارس وقاموا يضحكون عليه ..

فيصل بنظرات لمرام أفهمتها " اذا تبين تنزلين براحتك واذا تبين تجلسين بغرفة ساره تسولفي معها بعد براحتك "

مرام هزت راسها وبعزيمه قويه ردت " لا بنزل تحت وبسلم على أمي "

فيصل خاف يصير مثل ذاك اليوم .. ناظر في ساره بنظرات قلق ..

قربت منه مرام وباست راسه وأبتسمت بوجهه .. يخااف عليها وماأحد محسسها بالحنان كثره " ربي لايخليني منك فيصل .. وياارب يوفقك ويرزقك في الي تصوونك وتجيب لك الذريه الصالحه "

كانت أحلى دعوه بالنسبه لفيصل .. لانها من قلب .. ولانها طالعه من أنسانه ذاقت انواع العذاب بدنياها ومع كذا ماأستسلمت لما الحين أبتسامتها الحنونه مرسومه على فمها .. طالعه من أنسانه طاهره ماعمرها كذبت ولاحقدت ولاكرهت .. أنسانه دينها قوي وهذا الي مصبرها ..

ضمها لقلبه وهو يدعي ربه يحفظها ويسعدها بحياتها الباقيه .. والي راح يتعوض ان شاء الله بأحسن منه ..

نزلوا تحت وشافوا أبوهم وامهم جالسين يتكلمون بالعزيمه الي بتصير اليوم ..

أم متعب " تدري ان أم وليد عازمه صديقتها زوجة الوزير وبناتها ..؟ "

بو متعب هز راسه " انتي ماتعرفي الرجال الكباريه الي بيجون اليوم لهالعزيمه .. لازم نتجهز من الحين .. بيبدون الضيوف يجون من بعد صلاة المغرب "

فيصل " السلااام عليكم "

ردوا السلام وهم يناظرون في ساره وفارس وريم الي وراه .... ومرام معهم ..!!

حبت مرام راس امها وابوها بأبتسامه حقيقيه .. مع انهم تقبلوها ببرود ..

جلست جنب ساره وفيصل ..

أم متعب تناظر مرام على جنب " وش الطاري مرام تترك أعتكافها وتقابلنا ..؟ "

الكل سكت منقهر .. هم بالموت يبونها تطلع وامهم ماتتركها بحالها .. بس وش يسوون هذه أمهم ..!!

حز بخاطر مرام .. بس أبتسمت .. وذكرت نفسها (( لاتنسين يامرام هالمرأه ربتك وكانت بمقام أمك )) " والله أشتقت لكم يمه وعرفت اني لو حبست نفسي بالغرفه أكثر مراح ينفعني شيء "

بو متعب بقسوه مو من طبعه " تو الناس يابـنتي "

(( يابنتــي .... ياشينها منك يايبه لأنها مو من قلبك ))

مسكت دموعها ورجعت تبتسم " وش أسوي يبه توني حاسه ان الي أسويه غلط "

دخل بهالوقت فهد وهو يكلم " نااصر خلااص هو أعترف بجريمته يعني لاتجلس توسوس أن حنا ظلمناه .... لا شيل هالفكره من راسك .. هذا مجرم (( أنتبه لمرام )) .. أقول ناصر بعدين أتفاهم معك .. الحين أنا بالبيت .. يالله سلااام "

تقدم وسلم عليهم .. وقامت مرام حبت راسه وهو يناظرها بأهتمام ..

فهد وهو يجلس " كيفك مرام .. عاش من شافك "

مرام بأبتسامتها الحلوه " عاشت أيامك .. انا بخير مدامكم بخـير "

فهد وهو يناظرها على جنب " الله يهديك مرام مو كل من مات ولده سوى كذا "

فتحوا ساره وفيصل عيونهم .. كمل ..!! هم يفتكوا من امهم وابوهم يجي هذا يذكرها بكل بروود ..

مرام الي عارفه ان فهد مايقصد .. لكن ماقدرت تتحمل هالمره .. هي تبي تنسى .. تنســى ..

ردت عليه بصوت ناعم هامس وهي تتدارك دموعها " فهد انت عارف ليه انا سويت بنفسي كذا .. مو لأنه توفى .. بس .. بس .. (( تهجد صوتها )) طريقة موته هي الي تعذبني (( سكتت وحست ان فيصل بيرد على فهد .. وبسرعه ردت بهمس لكن بحزم )) وانا ودي أنسى هالموضوع بليز ..!! "

سكتت .. وسكت فهد معها وهو يناظرها بهدوء ..

رجعت أم متعب وزوجها يسولفون عن العزومه .. وقلب ساره يتقطع كل ماجابوا طاري حبيبها وليـد ..!

/

سكرت غلا التلفون من بيان وهي ميته من الضحك على " بنكيك المريخ ".. ناظرت برياان الي يفصفص بالحَب ولابمهتم بالحوسه الي صايره ببيتهم على العزيمه الي ماباقي شيء وتبدأ .. (( أهبل ريان مثلي ومثل ريهام .. العايله الكريمه نصهم مهابيل هههههههههه ))

راحت فوق تقول لتهاني عن الي صار لبيان .. بعدين تراجعت .. تروح غرفتها تتروش وتجهز الملابس وأكسسواراتها أحسن لها ..

/

كانت تهاني جالسه تكتب بمذكراتها لها ساعه ونـص ..

وقفـت وحطت شريط بالأستريو ..

أنساب لحن أغنية " أحبه بجنون " يلاعب مشاعرها ..

بدت تغني معه وكأنها هي الي تغني ناسيه الشريط .. وتمشي بغرفتها وتناظر نفسها بالمرايه تتخيله معها .. على انه زوجها .. بنظراته الحنونه والعاشقه ..

(( أحـبه والله من قلـبي .. أحبه والله بجـنون
أحب قلبً نطق بأسمي .. وعلا صوته في هالكون
ترى عينـه تخجلـني .. وفي حسنـه يحيـرني
رقـيق ولاضحك والله .. أحس انـه يجملنّـي
أحـبه والله من قلـبي .. أحـبه والله بجـنون
أحب قلبً نطق بأسمي .. وعلا صوته في هالكون
رغم هذا اليــن ازعل .. يراضيني وانا أدلــل
يطمني بدفــا قلبه .. وروحه فيـني تتحمـل
أحبـه والله من قلـبي .. أحبـه والله بجـنون
أحب قلبً نطق بأسمي .. وعلا صوته في هالكون
عسانـي ما أنحـرم منه .. ولا أخيب ابـد ظنـه
انا مــالي غنى عنه .. وفي بعده أجـن جنـون
أحبه والله مـن قلـبي .. أحبـه والله بجـنون
أحب قلبً نطق بأسمي .. وعلا صوته في هالكون ))

خلــص اللحن وهي مازالت تعيد ..

أحبه والله من قلـبي .. أحبه والله بجـنون
أحب قلب نطق بأسمي .. وعلا صوته في هالكون

أنتبهت لنفسها .. وراحت سكرت الأستريو وشالته من الكهرب ..

جلست على تسريحتها تفكر كيف بتسوي شعرها اليوم ..

شافت دمعه نزلت من غير ماتحس مسحتها بسرعه جنونيه ..

" تهاني بنت صالح ماتبكي على اول عقبه تواجه حياتها "

رددت هالجمله بعزم .. ووقفت وهي تهمس " الله يسامحك يازياد "

/

في فندق الأنتر بالخبـر ..

هاجر وهي تصاارخ على أمها " ييييمه شكلك مو حلو .. شكلك غلط .. شيلي هالتنوره القصيره وألبسي جلابيه .. أنتي عجوز يايمه مو بنت تلبسي تنوره قصيره "

أمها حطت يديها على خصرها معصبه " لا ياقليلة الحيا .. ياجعلتس الماحي الي يمحيتس .. هالتنوره بلبسها رضيتي والا انطقي بالفندق هنا "

دخلت منى معصبه على زوجها .. وسمعت صراخهم " اووووف اخلص من زوجي يجوني أهلي .. هويجر أتركي أمي بحالها .. ترى مابقى شيء على أذان المغرب بعدها بيودينا تركي سواء جهزتوا ولا لا .. بيركب السياره وبيروح العزومه وانتوا دبروا لكم تاكسي "

بققت ام سامي عيونها " وجع يوجعتس انتي الثانيه .. تحطين حرة زوجتس فينا .. خليه ينتظر وهو مايشوف طريقه .. هذا الي ناقص بعد تاكسي "

هاجر وهي تدور على نفسها تشوف فستانها الأورنج الي فوق الركبه " أتركيها يمه .. لو بغت تخليه ينتظر .. عطته نظره وخاف .. بس كذا جايه تسوي قويه علينا .. المفروض سامي جايبنا وفاكنا منها "

منى معصبه على أختها " عاد سامي الحين تلقينه بالريااض يطق ويرقص مع ربعه ولابمهتم فيك .. أخلصي روحي تروشي بعدين البسي هالفستان الأقشر "

عطتها هاجر نظره .. لو ان النظرات تقتل كان أقتلتها .. وراحت وهي تتوعد " ان شاء الله هالعزيمه فاتحة خير .. وأتزوج وأفتك منكم "

أم سامي تكلم منى " الله ياخذها من بنت .. نعنبو دارها تو عمرها 22 سنه وتقولين 33 سنه على شغفها على الزواج ..؟ "

منى " ماعليك منها .. أتحدى تتزوج وليـد .. أساسا عمتي وأخته النسره روابي ماراح يوافقون .. يكفي انهم يكرهون تصرفاتها "

أم سامي بحسره " وش يبون فيها .. لا جمال ولا أخلاق .. ولاحتى علم .. شهادة متوسط هي الشيء الي مفتخره فيه "

ظلت تذم في بنتها .. ولاهي بحاطه في بالها ان الي تذم فيها بنتها أقرب الناس لها ..

/

وليــد بعد صمت نص ساعه " يبه لك نص ساعه ماقلت لي رايك فيها ..؟ "

بو وليد ومازال في حالة ذهول " ياولدي مو مستوعب الي جالس تقولي .. يعني من قلة بنات السعوديه تاخذها هي ..؟ "

عقد وليد حواجبه " ليه يبه وش فيها هي ..؟ "

بو وليد يعدل جلسته .. وبصرامه " أظن عارف في الي سواه أخوها ببنت عمك مرام .. وعارف أخلاق أمها وطبايعها .. وبعد ماننسى أختها كيف مجننه زوجها الحين "

وليد يهز راسه انه يعرف " عارف يايبه .. بس البنت يتيمه ومالها ذنب ان صارت أخلاق عايلتها كذا .. وبعدين انا وعدتها من زمان بالزواج .. وهاجر بنت خالي .. يعني هي أولى من غيرها .."

بو وليد مو متقبل هالفكره " لا ياولدي .. لاتاخذ لك زوجه أشفاق عليها لأنها يتيمه .. هذه عشرة عمر وانا أبوك .. ولـ طاح الفاس بالراس مايمدينا نسوي شيء ساعتها .. ومن ناحية وعدك لها .. كنتوا صغار انت 23 سنه مراهق .. وهي بعد تقريبا 16 سنه يعني مراهقه أكثر .. والي قالته نسته الحين أكيد "

وليـد يعدل شماغه وهو يفكر " طيب يايبه من الي في بالك ..؟"

بو وليد أنشرح صدره وبانت أبتسامته " الي في بالي بنت جمال وأخلاق وعلم .. لكنها أصغر من هاجر بأربع سنوات " ناظر في ولده يشوف ردة فعله ..

ومثل ماتوقع كشر وليد " يعني عمرها 18 سنه ..؟ لا يبه تعرفني ماأحد مياعة الأطفال ودلعهم "

ضحك بو وليد " هههههههههههههههه تدري توني بكلمك من هالناحيه .. الدلع "

وليد بأهتمام " ليه لاتقولي مدلعه بعد "

بو وليد يهز راسه والأبتسامه مافارقته " ههههههه مدلعه دلع غريب .. (( مد يده يعد بأصابعه )) من أبوها وأمها وأخوانها وجدتها (( وسكت وهي يناظر وليد بنظره لها معنى )) وعمامها "

وليد يفهمها وهي طايره علشان كذا يسمونه عبقرينو .. ناظر في أبوه وعيونه فيهم أستهزاء " عمامها ..؟ (( سوا نفسه ماعرف ان أبوه من ضمن عمامها )) والسبب ورى هالدلع ..؟ "

ابوه (( والله أنك فاهم ياوليد بس بمشيها لك )) " السبب انها تشبه جدتها .. (( سكت وهو يعدل جلسته )) وآخر العنقود لأصغر عمامك "

رفع وليد راسه (( لاااا .. يارب أرحمني .. كل شيء ولا تصير الي في بالي ))

وليد وهو مازال رافع راسه " يبه أصغر عمامي عمي أحمد .. وآخر العنقود (( بأستهزاء لاحظه ابوه )) بيان "

بو وليد ماعجبه أستهزاء ولده " ايه نعم بيان وش فيها عيب قلي ..؟ جمال ماشاء الله .. وأدب وأحترام وأخلاق .. وأفكارها أفكار طفوليه مو مثل أفكار بنات هالأيام .. بس عيبها ان الدلع خربها ماصارت تعتمد على نفسها .. يعني انت تقدر تغيرها "

قدم وليد جسمه قدام وشبك يدينه وهو يناظرهم وأبتسامه أسهزاء مرسومه على فمه (( جمال مانقدر ننكر .. لكن دلع الله لايبلانا بس )) رفع راسه لأبوه " يبـه انت عارف رايي بتدليع البنت من أنا صغير .. وعارف اني الحين أكبر من اني اتزوج طفله وأربيها .."

بو وليد مو عارف ليه وليد مو متقبل بيان ابد " ياولدي عارف انك حنووون .. وبتقدر تتعامل معها مو تربيها ..!! "

وقف وليد وكأنه مل من هالمحادثه .. حب راس أبوه مبتسم له " يبه الحنان غيــر والصبـر غير .. صدق اني حنون مع خواتي بس ماعمري دلعتهم .. ابيهم يكبرون معتمدين على نفسهم .. أبي أزواجهم يذكروننا بالخير .. ويقولون عرفوا يربون .. مثل ماصار لروابي الحين ومتعب "

عقد بو وليد حواجبه " يعني عمك ماعرف يربي ..؟ "

وليد رفع يدينه " لا يبه حشا ماقلت كذا .. والحشا عن الف يمين.. بس بتدليعه لها هدم مستقبلها ماعدله ..!! وبعدين نتكلم يايبه لأن الحين بروح اتروش والبس علشان نروح المزرعه لازم حنا الي نستقبل الناس "

بو وليد وهو يوقف " في هذا معك حق .. بس لاتظن اني الحكي معك انتهى "

هز وليد راسه وهو يشوف ابوه يدخل المصعد ..

حط يديه بجيوب ثوبه .. ومال بجسمه وهو يفكر (( آخر عمرك ياوليد تاخذ بزر تربيه .. لاا .. آخذ هاجر ولا هالمدلعه ))

مشى وهو مايدري ليه كاره دلع هالبنت بالذات .. مع انها ماسوت له شيء ولاصار بينهم موقف يثبت دلعها غير حركاتها بالمجمع..!!!

راح فوق بالدرج يخطر درجتين درجتين ..

طلعت أسيل من المطبخ وهي تناظر بالدرج تتأكد انه راح ..

التفتت والهموم بعيونها (( آآه يا أسيــل اخوك يبي يتزوج النسره هاجر .. وبنت عمك بيان مو عاجبته ))

من عصبيتها .. ضربت الجدار ببكس بيدها .. بقوووووه ألمتها ..

(( أساسا بيان الف واحد يتمناها مو محتاجه لك يا أخوي ))

/

ضي وجوالها بأذنها ماسكته بكتفها .. وتلبس الشيله " يالله تهاني عجلي انتي وغلا الحين بنمرك بعد مانمر ساره ومرام وأسيل ..... لا لا بيوصلنا زوج حلا .... بسرعه يوووووه نسيت بنمر روابي بعد ..... ايه نبي نروح كلنا مره وحده عند الكوافيـر علشان نخلص مع بعض ..... يوووه تهاني ماعندها زحمه حنا حاجزينها أخلصي بسرررعه .... يالله باااي "

حطت جوالها بشنطتها وعدلت شيلتها زين .. وصرخت " بيااااااااان يالله فشلتينا مع ثااامر "

نزلت بيان تركض من الدرج وهي تلبس عباتها " طيب طيب .. أتصلتي بالبنات كلهم "

ضي وهي تشيل شنطتها بتطلع " ايه كلهم جاهزين يالله "

/

طلــع زياد من شركة مقاولات زوج عمته بو حمد .. الي يشتغل فيها

وتوجهه لسيارته بخطوات ثقيـله .. يتمنى انه مايروح هالعزيمه .. لأن وليد أخو .... سكت مايبي حتى يتذكر أسمه ..

بس وش يسوي عيب يرد عزيمة بو وليــد ..

ضغط الزر الي بيده علشان تفتح سيارته .. وتوه بيركب الا سمع صوت فرامل قووووويه ..

التفت بسرعه وخوف للشارع العام .. شاف سياره مسررررعه تحاول تمسك بريك علشان ماتصدم الرجال الي يخطف الشارع ..

غمض عيونه بقوه ومسك راسه من الصدااع الي جااه ..

همس " لاا "

مو وقت ذكريات تجيك يازيااد لا مو اليوم .. ياربِ مو اليوم ..ماأبي اذكر هالشيء اليوم في " عزيمة أخوه "

تسند بكتفه على سيارته يحاول يخفف الصداع الي جاه نتيجة الذكرياات ..

لمتى بيستمر حاله كذا كل ماشاف حادث او سياره تمسك بريك بقوه ..!!

حاول يتلفت يشووف وش صار على الرجال والسياره .. بس ماقدر .. كل الي سواه دخل السياره بسرعه وشغلها .. ورجع على ورى بسرعه جنونيه ..

وهو يتوعد " بتندم ياخالد صدقني بتندم .. وندمك على يديني "

/

متعب وهو يركض ورى روابي " روووبي أعقلي وعطيني مفتااح سيارتي "

روابي الي تركض بسرعه وتدور على كنب الصاله .. تكلمت بأنفاس متقطعه " لا ... هــه ... مافيه "

متعب بدأ يعصب " رووووبه فكيني من رجتك .. الحين بيمرونك يودونك الكوافير معهم وش تبين أكثــر ..؟؟ "

روابي بعنااد ضربت الأرض برجلها وهي تحرك راسها يمين ويسار ..وشعرها البني الي يوصل لكتفها يتحرك معها " لاااا ليــه تسهر أمس برى البيت كأنك عزووبي ومقفل جوالك بعد وانا أتـحـقرص خاايفه عليك .. وبالنهايه يجي وينووووووم "

متعب يحرك حواجبه بخبث " لأنك سويتي نفسك نايمه ولا كان مانمت "

حممرررررر وجه روابي " تفكيرك سيء وغلط (( مدت لسانها )) مثل ماتأخرت أمس بخليك تتأخر اليوم على العزوومه "

متعب وهو يفرك جبهته " ياليييل على هالبلوه "

طلعت عيون روابي من مكانها " هاه بلوه "

متعب يرقع .. وهو يبتسم " حبيبتي انا أمس ماقفلت جوالي هو طافي مافيه شاحن وانا ما ادري انه مقفل ولاكان شحنته .. قلت شكلك نمتي وما أبي ازعجك .. وبعدين ياقلبي الحين بيأذن المغرب وبتسكر المغسله عطيني المفاتيح علشان أجيب ثوبي وما أتأخر على عزيمة أخوك فشيله ترى "

روابي بعناد .. هزت راسها بمعنى لا ..

طلع من المطبخ نايف .. ونوف تمشي وتطيح رواه .. وفمهم كله شوكولاه .. وملابسهم رايحه فيها ..

روابي طلعت عيونها قدام وطاح المفتاح من يدها " هاه ..؟ وش ذا الفوضى من معطيهم شوكلاته ..؟ "

ماحست الا بمتعب جنبها ويمسكها من يدها .. ويعضها بخدها عضــه قوووووووويه ..

صرخت روابي من الألم " آآآآآآآآآآي "

نايف " ههههههههههههه بابا عد ماما "

نوف ماتدري وش السالفه " ماما ههههههه "

دنق متعب ياخذ المفتاح ويطالع بروابي الي تمسح خدها بيدها من الألم وتناظره نظرات ناريه ..

روابي " لييييييييييييه النذاله كيف الحين يروح أثرها ووراي عزومه اليوم ..؟ "

متعب ياخذ شماغه ويطالعها بنص عين مو مهتم " عادي قولي زوجي عليه مزاجات غريبه .. اليوم نفسه يعضني .. وماقدرت أرده "

طاااح وجه روابي وحمرت خدودها .. مسكت مخده صغيره للكنب ورمتها عليه بس ماجاته لانه طلع وهو يعطيها بوسه بالهواء " هههههه غيري ملابس عيالك .. وسووري على الشوكولاته الي أنقذتني ههههههه "

روابي ماسكه ضحكتها " طيب ياميتووو حسابك عندي بعد العزووووومه "

/

نهاية الجزء السادس