الرئيسية
مسآئكم رونق الشعر وأعذبه .. 
شُروق الشمسْ ما يعني على الدايم بداية حـال
وإذا تبسمت مايعني لـ حزنـك مابـه أي طـاري
وأصلاً مستحيل إن البحر ما ينوجـد لـه جـال
مثل ما للفرس سرج ٍ وكل هبوب لـه صـاري
ولكـنّ المهْـارَ الجامحـة بـ جموحهـا تختـال
أصيلة والأصايـل مالهـا بـ القـوم أي شـاري
شبيهة من طغى حزنه وأزرى لا يـروق البـال
لأن ماكـل ضيقـة تنجـلـي إلا بـ الأذكـاري
ولكن لا نَصَبَتْ ذيك الهمـوم بـ داخلـي تمثـال
تَعْبَدَه ضلوع صدري والقرابـة دمـع مـدراري
تقدمه الجفون اللـي نظرهـا مـن بكاهـا زال
سبايب من هَجَرْ ذاك الخفـوق بكـل إصـراري
شسوي إن كان مالي حيلة ٍ فيها عليه احتـال
لـجل أنهية من داخل كيانـي وأملـك أفكـاري
وصلني عنه علم وصحت (آهـ) الليل فيني طـال
ضمرت بـ داخلي عشقة وعجزت اليـوم لآ أداري
فضحني كل ما فينـي بـ ليـل الوجـد والغربـال
وطاح الحيل يا كلي وخِلّـك عنـك مـوداري
وتدري شـ السبب صدره تنفس من هوى العذال
نسى ياهاجسي إنه الوحيـد الملهـم أشعـاري
خلاص بـ كيفة يا قلبي مدام إنه نـوى الترحـال
ترك عشق ٍ كسى صدره وأصبح ذو صدر عاري
أنا ما أرجي سوى إنه لـ يامنه فـي بالـي جـال
ماينزل دمع عينـي ثـم يبيّـح كـل أسـراري
عزاي إني تعودت الشقـا والحـزن والولـوال
ما يعني إني أعيش فـ/ بوتقة هـ الشيء اجباري
وهو مرضية إن قلبه يعيش وما يهمه وصـال
وأنا ما راح أترجى وأجيـب لـ هـ الحـزن طـاري
النقيه \ لولوهـ الدوسري .. 
